Трикови за убавина

by najforumce Пон Мар 17 2008, 13:10

Ако сте решиле да ги пoкриете недостатоците на вашето лице, не ви се потребни пластични операции, можете нив да ги покриете со применување на едноставни совети од професионални шминкери. Триковите кои ги користат професионалните шминкери и фризери не се многу комплицирани за да неможете успешно да ги сокриете одредени недостатоци. За да од својот изглед добиете максимум, потребна е мала рутина и промена на вообичаениот начин на шминкање. Фризурата исто така може да ги прикрие недостатоците на лицето. Така на пример, жените кои сметаат дека нивниот нос е предолг или преголем требаат да обрнат внимание на должината на косата и обликот на својата фризура. Најдобро е косата да биде малку позади вашите рамења, а фризурата со голем волумен. Тоа визуелно ќе го сокрие вашиот нос, а сличен ефект има и светлата боја на коса.

За визуелна промена на вашиот нос можете да искористите и шминка, така што ќе ставите малку руменило на средината на вашето чело, а за сјајот на носот ќе ставите коректор со малку потемна нијанса од вашата боја на кожа. Некои козметички професионалци предлагаат и ставање на коректор во областите околу вашиот нос. Испробајте ги и двете варијанти и оцените која е успешна на вашето лице.

За да го прикриете вашето лице од акни, искористите кремаст коректор и тенка четкичка со која ќе ги пополните критичните места, а бојата на коректорот нека биде за нијанса посветла од подлогата.

За успешно сокривање на темните подочнаци најдобро е прво да поставите подлога, а потоа коректор со малку посветла нијанса. При нанесувањето, кремастиот коректор разредете го со капка вода, за да биде погуст, бидејќи незаразредената смеса од коректорот може да ги истакне брчките. Ако не можете да најдете квалитетен коректор, употребите две подлоги со различни нијанси, една која е слична со ваша боја на кожа и друга која е посветла. Ако од прва не успеете, не се откажувајте, бидејќи за совршена шминка е потребна рутина.

Веѓите често четкајте ги према горе со посебна четкичка. На местата на кои веѓите се поретки или ги нема, употребите молив за очи со боја како и вашите веѓи. Немојте да повлекувате долга рамна линија, бидејќи ќе изгледате неприродно. После обликувањето, ставите на нив многу малку пудра и повторно исчеткајте ги. Доколку се одлучите за обликување на вашите веѓи со чупање, не мората да го следите нивниот природен облик, но тоа е најдобро да им го препуштите на козметичарите.