Експлозија во Тирана, 60 мртви

by najforumce Саб Мар 15 2008, 22:50

Се стравува дека 63 луѓе, кои работеле во близина на военото складиште во Тирана, загинале или се тешко повредени при експлозијата. Детонациите во скаладиштето одекнувале околу 2 часа, а биле толку силни што можeле да се слушнат и во Македонија, како и во Косово. Податокот од 63 жртви е соопштен од страна на потпаролот на албанскиот премиер Јуеља Мецани, но агенциите пренесуваат дека се стравува дека околу 160 луѓе се загинати или се тешко повредени во серијата на експлозии на военото складиште северно од Тирана.

"Не го знаеме точниот број, но стравуваме дека нивниот број е голем кога се во прашање три тима кои биле запослени во складиштето, од кои секој тим е составен од 21 работник. Тие во тој момент работеле во складиштето, а меѓу нив има и неколку американски државјани." - изјави Мецани.

Во американската амбасада во Тирана не можеа да потврдат дека некој од американските војници бил во складиштето за време на експлозијата.

Албанскиот премиер Саљи Бериша претходно изјави дека најверојатно експлозијата се случила во моментот додека екипата работела на демонтирање на проектилите.

Ранетите луѓе се префрлени во најблиската болница, а локалните медиуми изјавуваат дека голем дел од нив се здобиле со опекотини, изгореници или повреди од шрапнели.

Фотограф на Ројтерс изјавил дека голем број на преплашени луѓе, меѓу кои има и жени и деца, пешки ја напуштиле областа и се упатиле кон автопатот.

На аеродромот "Мајка Тереза" во Тирана од силната експлозија се скршиле стаклата на прозорците и вратите и поради тоа аеродромот не работел неколку часови.

Детонацијата доста силно се слушна и во Македонија, така што десетина граѓани се обратиле во полиција мислејќи дека експлозијата се случила во Македонија, а во подрачјата близу до границата со Албанија од детонацијата се искршиле стаклата на голем број на куќи.