Што ќе ве прашаат на интервјуто за работа во Гугл?

by bonte Саб Мар 01 2008, 02:55

1. Колку топчиња за голф може да собере еден автобус?

2. Намален сте до големина на една железна паричка, а вашата маса е пропорционално намалена за да ја задржи вашата оригинална густина. Потоа сте фрлен во празен стаклен блендер. Сечилата ќе почнат да се движат за 60 секунди. Што ќе сторите?

3. Колку би наплатиле за да ги измиете сите прозорци во Сиетл?

4. Објаснете што е база на податоци на вашиот осумгодишен внук во три реченици.

5. Колку пати во денот се преклопуваат стрелките на часовникот?

6. Треба да стигнеш од точката А до точката Б. Не знаеш дали можеш да стигнеш таму. Што ќе сториш?

7. Замисли дека имаш шкаф преполн со маици. Многу е тешко да ја пронајдеш онаа што ја сакаш. Што можеш да направиш за да им овозможиш добра видливост на твоите маици?

8. Секој маж во село со 100 парови ја мамел својата жена. Секоја жена во селото веднаш знае кога некој маж од селото, извршил прељуба, но не знае кога тоа го сторил нејзиниот сопруг. Во селото постои закон според кој не се дозволува измама. Секоја жена која ќе докаже дека нејзиниот маж ја изневерил мора да го убие истиот ден. Жените од ова село никогаш не би го прекршиле овој закон. Еден ден, кралицата на селото објавува дека барем еден од мажите бил неверен. Што ќе се случи?

9. Во земја во која луѓето сакаат само машки деца, секое семејство продолжува да има деца се додека не добие син. Ако добијат ќерка, раѓаат уште едно дете. Ако е машко, тука застануваат. Кој е сразмерот на машките и женските деца во земјата?

10. Ако погледнеш во часовникот и тој покажува 3:15, кој е аголот помеѓу стрелката за минути и стрелката за часови. (Одговорот не е нула)?

11. Четворица треба да поминат преку несигурен мост од јаже за да можат да се вратат во својот камп вечерта. За жал, тие имаат само една лампа која има доволно батерии за да свети само уште 17 минути. Мостот е премногу опасен да се помине без лампа и е цврст само толку за да може да издржи двајца истовремено. Секој кампер чекори со различна брзина. Едниот може да го помине мостот за една минута, другиот за две, третиот за пет, а најбавниот за 10 минути. Како камперите да го поминат мостот за 17 минути?

12. Се наоѓаш на забава заедно со еден пријател. На забавата се присутни 10 луѓе вклучувајќи те тебе и пријателот. Твојот пријател те повикува на обложување во кое за секој човек за кој ќе откриеш дека има роденден на ист ден како твојот ќе добиеш 1 долар. За секој човек за кој тој ќе открие дека нема ист роденден како твојот, тој ќе добие 2 долари. Би го прифатил ли облогот?

13. Колку пијана има во целиот свет?

14. Имаш осум топчиња со иста величина. Седум од нив имаат иста тежина, а едно тежи малку повеќе. Како можеш да откриеш која топка е потешка користејќи вага и само со две мерења?

15. Дали се уште сакаш да работиш за Гугл?

Вечер