Најглупите прашања...

by Jimmy Пет Фед 29 2008, 15:40

Велат дека не постојат глупи прашања, туку само глупи одговори. Меѓутоа, има прашања кои се поставуваат "ради ред", кога одговорот не ве ни интересира и прашања на кои одговорот е толку логичен што е навистина глупаво да се постават.

Како си?

Добро сум, фала. Ова е најверојатно одговорот кој најчесто ќе го чуете, иако нема секогаш да биде искрен. Токму затоа, прашањето само по себе ја изгуби вредноста и се поставува автоматски за да се започне разговор, па затоа влегува во категоријата на најглупите прашања - освен ако не сте навистина подготвени да слушате монолог за туѓите проблеми.
Затоа, следниот пат кога некој ќе ве праша како сте, оддвоете време и изнараскажете му сеза емоционалните фази низ кои сте поминале за цело време додека не сте се виделе, па така наредниот пат нема да ви го постави ова глупо прашање. А можете и едноставно да му одговорите "добро сум" и да продолжите по старо...

Дојде?

Ова е ултимативно и без конкуренција најглупото можно прашање. Јасно и логично е дека одговорот не може да биде "не". Знам дека понекогаш кога ќе ви го постават ова прашање, ви доаѓа да им одговорите "Не, седам на улица и се сончам" или слично.
Едноставно, не ни е јасно од каде доаѓа потребата да личноста која стои пред вас, ја прашате дали дошла. Зар некој очекува одговор спротивен од потврдниот?

Ти си од таму и таму? Еј,абе го знаеш тој и тој

Неверојатно е како секогаш кога ќе запознаеме некого кој е од место во кое имаме некој познат, имаме потреба да го испрашаме дали можеби го познава, без обзир дали се работи за некое село или главниот град. Секогаш постои некоја чудна вселенска можност дека се комшии.А таквите информации не' воодушевуваат. Освен тоа, ова е одличен начин за почеток на конверзација. Само сетете се на некој Петко или Стојко и нема да згрешите, еден од нив сигурно излегува во истиот кафич, работи во иста фирма или е брат на дечкото на најдобрата другарка чиј татко работи со вујкото на оној кој го познавате...

A чиј си ти?

Неверојатно, ама на некои луѓе, посебно на старите, вашето потекло им е многу важна работа. Нема да ве прашаат што работите, ама ќе ги интересира кој ви е татко и дедо. Да не звучам прегрубо, откако ќе ја дознаат оваа информација, обично се љубезни и добри.Меѓутоа, зошто овој податок им е важен не ми е јасно, а веројатно ни тие самите не знаат.

продолжете вие .....................