Конечно лоцирана Г-точката

Италијански научници тврдат дека ја решиле една од најголемите мистерии на човековото тело. Поточно, ги откриле тајните на вагиналниот оргазам кај некои жени, и сетоа тоа благодарение на ултразвук и внимателно набљудување.

Научници од Италија тврдат дека дошло време да се прекине потрагата по легендарната Г-точка, бидејќи како што тврдат, успеале да ја пронајдат.

Имено, група Италијанскиот научници од Универзитетот L'Aquila, предводена од Др. Емануеле Џанини, спровеле интересно истражување на 20 жени.

Научниците со помош на ултразвук ја измериле големината и обликот на ткивото над предниот ѕид на вагината, за кое секогаш се верувало дека е локацијата на Г-точката, и притоа дошле до интересен резултат.

Откриле дека на можноста на постигнување на вагинален оргазам делува дебелината на ткивото помеѓу вагината и мочниот канал.

Кај девет жени кои доживеале моќен вагинален оргазам на тоа место ткивото во просек е погусто отколку кај другите 11 жени кои не можеле да доживеат оргазам од таков тип.

"Сега можеме да откриеме дали една жена има Г-точка или не, и тоа на многу едноставен начин", кажува Џанини.



Но, бројни научници го оспоруваат овој заклучок бидејќи сметаат дека постојат ред други причини поради кои некои жени доживуваат моќен оргазам, а некои не.

Така Др. Тим Спектор од болницата St Thomas во Лондон, верува дека споменатото дебело ткиво може да биде дел од клиторисот, или тие жени имаат развиено подобра мускулатура во тоа подрачје.

Изразот за Г-точка започнал да се употребува уште во 1980 година, кога почнало да се користи објаснувањето за тоа зошто некои жени може да доживеат оргазам како вагинална симулација, а други не.