Чак Норис ќе тужи!

Солзите на Чак Норис не лечат рак!
Најмоќниот и непобедливиот експерт за тепање, Чак Норис е толку скромен што тврди дека книгата во која се објавени 400 факти за неговите неповторливи и натчовечки моќи е чиста лага. Својата скромност ќе ја покаже и пред судот.

Чак Норис ја тужи издавачката компанија Пингвин и авторот Јан Спектор за објавување на книгата “Вистината за Чак Норис: 400 факти за најголемиот човек на светот”, базирана на сатирична интернет листа со митолошки факти за него, која кружи уште од 2005-та година.

”Некои од фактите се расистички, непристојни и го прикажуваа господинот Норис како човек вмешан во нелегални активности. Воедно, обвинетите го злоупотребуваат и експлоатираат неговото име и без дозвола заработуваат на негова сметка”, пишува во тужбата.

Преку парницата во судот во Менхетен, Чак Норис бара да му биде исплатена парична оштета, чија сума се уште не е одредена. Тој ја обвинува компанијата Пингвин за повреда на неговиот трејдмарк, неправедно обогатување и кршење на правото на приватност.


http://najforumce.com/gallery/Personal-album-of-Vase/Mr-Chuck-pic_49.htm