Нов iPhone HD во јуни?

by **GBL** Сре Мар 31 2010, 18:22

Според шпекулациите, техничките карактеристики на двата модели би требало да бидат исти, со тоа што едниот модел за прв пат би ја поддржувал CDMA мрежата на Verizon и би го прекинал ексклузивитетот со AT&T во САД.

Нов iPhone HD во јуни? Applehd455

Новите модели најверојатно ќе ги носат ознаките HD (менаџерите на Apple се свесни на кои додавки се "пали" популацијата) затоа што телефоните ќе се испорачуваат со вграден A4 чип, кој веќе се користи во iPad, како и дисплеј со резолуција од 960х640 пиксели.

Според некои извори, новите модели на iPhone ќе располагаат и со камера од предната страна на телефонот како и способност за користење на повеќе апликации истовремено, односно - фамозниот multitasking. Се претпоставува дека оваа можност ќе биде претставена со новата верзија на софтверот iPhone OS 4.0.

Официјалното претставување на новите модели на iPhone HD се очекува на 22 јуни, кога ќе бидат објавени точните технички спецификации. До тогаш, ќе уживаме во типичната Apple таинственост кога станува збор за исфрлањето на нови производи на пазарот...