Е ова е храброст!

by **GBL** Сре Мар 31 2010, 18:21

Или сепак љубов која го брише стравот. Фактот дека овие мачиња го имаат префиксот диви и дека човекот понекогаш го гледаат како оброк не ја спречува Џени Шмит да живее со нив и да ги гушка и бакнува како да се мали домашни маченца (нешто слично на Кевин - "the lion whisperer").

Е ова е храброст! Lionluv455

Оваа јужноафриканка реши да живее 2 недели во резерват со бели лавови, во знак на протест против законот кој на ловците им дозволува за 165.000 долари легално да ги убиваат овие животни на кои им прети истребување.

Џени ќе јаде, спие и ќе ги поминува своите денови со 18 месеци стариот мажјак Зуба 7 месечната женка Сноубол - два бели лавови кои живеат во резерватот Mystic Monkeys and Wildlife Park.

Е ова е храброст! Lionluv240

Лавовското “дувло“ ќе гo напушта единствено за да се тушира, но ќе продолжи да ги носи истите алишта во текот на престојот за да лавовите можат да ја препознаат секојпат кога ќе се враќа назад.

Коментирајќи го својот храбар потег Џени вели: „Со овој чекор сакам да ја подигнам свесноста на нашата младина за нашето наследство. Овие лавови се јужноафриканска гордост“. Додава и дека нема намера да постави некаков рекорд, туку дека би го напуштила дувлото ако ситуацијата тоа го налага, пренесува Telegraph.

Во резерватот живеат вкупно четири бели лавови. Овој животински вид за локалното племе Шанган има посебно значење - припадниците на племето веруваат како овие големи мачки се ѕвезди кои се симнале од небесата.

Ние се надеваме дека двонеделниот престој на Џени ќе помине во најдобар ред и дека ќе резултира со љубов како онаа меѓу лавот Кристијан и неговите човечки пријатели .