Ѓоко со автомобил до Осло

Годинешниот претставник на Евровизија Ѓоко Танески до Осло ќе патува со автомобил, соопшти денеска неговиот тим за односи со јавност.

Ѓоко со автомобил до Осло Img70923058

Танески и целосната делегација која брои 12 членови веќе се во подготовки за настапот на полуфиналето во Осло, а се надеваат дека ќе имаат можност да настапат во финалето.

Видео спотот за претставничката песна „Јас ја имам силата“ денеска беше официјално промовиран, а англиската верзија на песната ќе се снима по велигденските празници.

Спотот е снимен во студиото на Томато Продукција, а учествуваат манекенки од модното студио „Црнокрак“.

Националната телевизија на Норвешка ќе допатува во Македонија за да сними кадри за потребите на промотивниот материјал кој ќе се емитува пред настапот на Ѓоко.

„Во тек се и подготовките за сценската кореографија, на сцената со Ѓоко покрај Били Ѕвер ќе танцуваат три девојки кои ќе бидат и пратечки вокали“, изјави Мери Попова, уредник на забавната редакција на Македонската Радио Телевизија и додаде дека преку кореографијата ќе се раскаже една приказна која ќе содржи заплет, кулминација и расплет.

Ѓоко во текот на април ќе се промовира во Албанија, Србија, Бугарија, Романија, Холандија, а на 23 мај ќе посети основно училиште во Осло каде што учениците ќе раскажат што знаат и колку ја познаваат македонската култура.

Ѓоко со автомобил до Осло

Ѓоко со автомобил до Осло

Ѓоко со автомобил до Осло :: Comments