Тимот на Јувентус пред вчерашниот натпреварот со Аталанта на Олимпискиот стадион во Торино беше ставен на тапет од навивачите на „Старата дама“ а тие го изразија својот револт за лошата игра со мавање на фудбалерите со јајца и шишиња.

Фабио Канаваро, Џонатан Зебина и Фелипе Мело особено беа ставени на удар на навивачите а на италијанската национална телевизија беше прикажана и снимка од моментот кога Зебина беше удрен во пределот на вратот.

Полицијата објави дека уапсило едно лице осомничено за нападот над Зебина.

Навивачите подоцна во стадионот само мирно стоеја а 300 од нив не ни влегоа да го проследат натпреварот кој Јувентус го доби со 2:1.
Головите за Јувентус ги постигнаа Алесандро Дел Пиеро и Фелипе Мело а за Аталанта голот го постигна Никола Аморусо кој интересен факт е дека му е баџанак на Дел Пиеро.

Јувентус оваа сезона имаат 11 порази во 31 лигашки натпревар а беа елиминирани од Лигата на шампионите и Европа лигата. Моментално се наоѓаат на шестата позиција во Серија А.