Жените се поголеми хипохондрици од мажите

by **GBL** Пет Мар 26 2010, 21:53

Иако досега се сметаше дека мажите повеќе се жалат кога се настинати, изгледа дека жените повеќе се жалат за своето нарушено здравје.

Жените се поголеми хипохондрици од мажите Img56502405

Кога се работи за здравјето, најновата анализа покажува дека жените се поголеми хипохондрици од мажите. Тоа значи дека жените имаат помали шанси за смрт бидејќи обрнуваат поголемо внимание на себе.

Поради честото жалење и грижи, британските жени често одат на прегледи, а со тоа е намалена стапката на смрт кај припадничките на понежниот пол.

Научниците ги проучувале случаите на 750 000 луѓе од кои откриле дека жените често кажуваат дека се болни и често одат на преглед кај матичните лекари.

Откриен е и голем број на луѓе кои кажале дека се чувствуваат болно, но ретко бараат медицинска помош. Во таа бројка спаѓаат самци, разведени и оние кои живеат разделени од партнерот.

Со овие резултати не се сложуваат некои истражувања кои утврдиле дека жените подобро поднесуваат настинка и грип за разлика од мажите кои таквата состојба тешко ја поднесуваат.