Скотланд Јард ќе ја „снима“ мрежата

by **GBL** Пет Мар 26 2010, 21:28

Според тврдењето на Скотланд Јард бројни терористички напади во Велика Британија се координирани или планирани во јавните интернет кафеа. Точно затоа на сопствениците на овие места им се советува надзор над интернет навиките на посетителите.

Скотланд Јард ќе ја „снима“ мрежата Skot-455_0

Скотланд Јард ќе ја „снима“ мрежата Skot-455_0

Скотланд Јард ја започна оваа иницијатива во рамките на стратегијата на британската влада која се обидува да им стави крај на терористичките активности, или барем да ги осуети. Сопствениците на интернет кафињата добија повик за соработка во оваа нова противтерористичка акција.

На сопствениците доставени им се и постери со рпедупредување дека Скотланд Јард може да ги проверува активностите кои се направени на одреден компјутер, а испорачани им се и десктоп позадини кои предупредуваат на истото.

„Не упативме повик до сопствениците да ги шпиунираат своите корисници, туку едноставно сакаме да предупредиме и да ја подигнеме свесноста на граѓаните за овој проблем“, изјави портпаролот на британската полиција, a пренесува startribune.com.

Во одредбата која не е обврзувачка за сопствениците на интернет локалите им се препорачува повремено скенирање на хард дисковите на компјутерите и праќање извештај за секоја сомнителна активност.