Тивка генијалност

by **GBL** Сре Мар 24 2010, 01:15

Го најде решението на еден од Милениумските проблеми, а сепак е скромен. Рускиот математичар Григори Перлман ја реши Поинкаровата претпоставка, но одби да ја прими престижната Миленумска награда од математичкиот институт Clay.

Тивка генијалност Genius240_0

На 43 годишниот гениј, кој решението на Поинкаровата претпоставка го објави во 2002. година, не му е првпат да одбие признание. Тој го одби Филдсовиот медал од меѓународниот математички сојуз во Мадрид во 2006., но и понудите од Принстон, Стенфорд и други престижни универзитети.

“Не сум јас никаков херој на математиката. Дури не сум ни особено успешен и не сакам да бидам во центарот на вниманието“, изјавил забрадениот гениј тогаш, пренесува Herald Sun.

Овојпат, тој не сака да ја прими паричната награда од 1 милион долари која ја доделува Clay институтот за решавање на Милениумските проблеми.

Перлеман кој го реши математичкиот проблем што би можел да го одреди обликот на универзумот, во 2003. дал отказ од своето работно место во институтот Стелков, а сега живее во сиромашно наместен стан во Петроград одбивајќи да дава било какви изјави и да комуницира со медиумите. Единствено што новинарите успеале да го извлечат од него е кратката реченица која ја кажал преку затворената врата на својот дом: „Имам се' што сакам“.