Ако е последна, нека е богата

by **GBL** Сре Мар 24 2010, 01:13

Големината на чиниите и порциите храна на повеќе од 50 слики на Последната (тајната) вечера насликани во минатите 1.000 години постепено станувале се поголеми и поголеми, тврдат стручњаците.

Ако е последна, нека е богата Dali-455

Резултатите на нивната студија се објавени во магазинот International Journal of Obesity.

Резултатите на студијата покажуваат дека количината на храна и чинии расте со годините, вели Брајан Вансинк, професор по маркетинг и применлива економија и директор на лабораторијата Cornell Food and Brand Lab.

„Зедовме 52 славни слики на Последната вечера и го анализиравме количеството на храна, леб и чинии и ги споредивме со просечната големина на главите на апостолите на сликата“, вели Вансинк.

Резултатите покажаа дека големината на предјадењето на сликите на Последната вечера, која според Новиот завет се одржала за време на Пасха, пораснала за 69%, чиниите за 66%, а лебот за 23%.

„Во последните 100 години сме сведоци на драматичен пораст во производството, достапноста, безбедноста, количината и цената на храната. Со оглед на тоа дека уметноста го релфектира животот, овие промени се пренесуваат и на сликата на најпознатата вечера во светот“, тврди Вансинк, автор на книгата Mindless Eating: Why We Eat More Than We Think.