Индиската војска ќе користи луто пиперче како оружје

by **GBL** Сре Мар 24 2010, 00:51

Индиската војска има ново оружје во борбата против тероризмот - најлутата пиперка на светот.

[You must be registered and logged in to see this image.]

Експериментите покажале дека најлутото пиперче со големина на палец, наречено “бут јолокија“, може да се користи за изработка на еден вид гасни бомби, кои можат да предизвикаат шок кај противникот.

Овој вид пиперка, што се одгледува и се користи на североистокот на Индија, во 2007 година официјално влезе во Гинисовата книга на рекорди како најсилен зачин.

На скалата за мерење на лутината “бут јолокија“ има повеќе од милион Сковилеови единици, а за споредба класичните “табаско“ имаат меѓу 2.500 и 5.000 единици.

Тоа, според експертите од лабораторијата на индиското министерство за одбрана, ќе биде нетоксично оружје, а неговиот остар мирис ќе ги натера терористите да излезат од скривалиштата.

Во тек се истражувањата за користење на ова “оружје“ во форма на спреј за заштита на жените од напаѓачи.