Стечајците повторно на протест ја гаѓаа владата со јајца

Пеејќи ја македонската химна и гаѓајќи ја зградата на владата на Република Македонија со јајца, попладнево околу двесте стечајци од Куманово се собраа на протест да го покажат револтот кон игнорантскиот однос на власта.

Стечајците, кои, како што велат, бараат средба со премиерот Никола Груевски, дури ја бутнаа оградата и стигнаа од обезбедувањето на владата.
„Ако СДСМ во изминативе години не доведе до оваа состојба можам да кажам дека и затоа ја загуби власта, сега бараме од Никола Груевски да ни помогне, инаку и тој ќе изгуби на изборите“, рече еден стечаец.

Според Лилјана Георгиевска, претседателката на стечајното здружение од Куманово УНИТ , премиерот Груевски тактизира и не излегува на средба со нив.

Стечајните работници рекоа дека ќе останат пред владата се додека не ги прими некој владин претставник.

Тие најавија дека доколку денеска не биде остварена средба меѓу нив и Груевски, ќе го радикализираат протестот и ќе блокираат патишта.
Стечајците во Скопје пристигнаа попладнево, организирано со четири автобуси.

Стечајните работници од Куманово досега неколку пати протестираа пред владата.

[img][/img]

Стечајците повторно на протест ја гаѓаа владата со јајца

Стечајците повторно на протест ја гаѓаа владата со јајца

Стечајците повторно на протест ја гаѓаа владата со јајца :: Comments