Четири деца повредени во сообраќајка кај Македонска Каменица

by **GBL** Сре Мар 17 2010, 21:04

Четири деца и возачот на комбето се повредени во сообраќајна несреќа што се случил денеска на патот Македонска Каменица – Саса на местото викано Павлич Дол, информираат од СВР Штип.

Четири деца повредени во сообраќајка кај Македонска Каменица Img50764045

Четири деца повредени во сообраќајка кај Македонска Каменица Img50764045

Повредените се пренесени во болницата во Кочани, каде им била укажана лекарска помош и моментално се наоѓаат надвор од животна опасност.

Сообраќајката се случила околу 12:20 часот кога дошло до судир меѓу полициски џип „Дифендер“ во сопственост на Полициската станица во Македонска Каменица со комбе кое враќало од училиште ученици од прво до четврто одделение низ селата околу Каменица.

„Истражен судија направи увид на местото на несреќата. Дополнително ќе се утврдуваат причините за неа“ изјави Снежана Санева, портпарол од СВР Штип.