Рос ќе се жени

by **GBL** Пон Мар 15 2010, 20:30

Еден од омилените „пријатели“ на цела една генерација ќе застане на лудиот камен - Дејвид Швимер конечно одлучи дека му е доста од ергенлук.

Рос ќе се жени Ros-455

Ѕвездата на Friends Дејвид Швимер кој во серијата беше затрескан во Џенифер Анистон и имаше неколку неуспешни бракови, во животот од другата страна на камерите конечно одлучи да се ожени.

Избраничката на неговото срце е 24-годишната фотографка Зои Бакмен. Двајцата се запознале во 2007. година на снимањето на филмот Run Fatboy Run, а три години подоцна „др. Рос Гелер“ стави прстен на раката на својата 19-години помлада девојка.

И за Швимер и за Бакмен ова ќе биде прв брак. Иако актерот беше поврзуван со многу холивудски дами, 43-годишниот Дејвид, баш како и неговиот лик од Friends не е познат по баш бурниот љубовен живот. Во негово друштво досега, како што пишува Entertainment Weekly, се нашле пејачката Натали Имбруља и актерката Мили Авитал.