Оперска дива го убила сопругот и нашла замена за пари

by **GBL** Саб Мар 13 2010, 16:17

Убиство достојно на Хичкок. Оперската пејачка е осомничена дека го убила сопругот па се обидела со лажен маж да го добие имотот вреден 6 милиони долари.

[You must be registered and logged in to see this image.]

Германската полиција ја привела оперската дива Валтрауд Хил (55) под сомнение дека го убила сопругот Херман Хил (71), а потоа пронашла лажен маж за да може да го добие имотот вреден околу 6 милиони долари, јавува Telegraph.

Херман го снемало од куќата во Kappel-Grafenhausen во октомври, а брачниот пар не живееле заедно. Полицијата се посомневала кога Валтрауд се обидела да го деблокира наследството на нејзиниот сопруг.

Полицијата кажала дека таа се обидела да наговори 10 мажи да одглумат сопрузи, а коа пронашла глумец, додатно го маскирала.

Во декември посетила адвокат заедно со лажниот сопруг и се обидела да добие полномошно за целиот имот. Случајот се разоткрил кога еден од мажите од кои барала да одглумат се јавил во полицијата и го пријавил случајот.

Таа не била веднаш приведена, туку било побарано од неа заедно со сопругот да дојде во полициската станица. Дента кога требале да одат на разговор, таа се јавила и им кажала дека сопругот и бил на службен пат.

Оперската дива била контрадикторна во изјавите дека нејзиниот сопруг исчезнал, па повторно се појавил. Телото на Херман сеуште не е пронајдено, а жената е приведена под сомеевање за измама и убиство.

Од полицијата кажале дека очигледно таа не размислувала како може нејзиниот сопруг да се појави за да ги потпише документите, па повторно да исчезне.