Лажен антивирус со името на Мајкрософт

Мајкрософт ги предупредува корисниците да бидат внимателни, бидејќи постои вирус „Тројанец“ кој има слично име со легитимниот антивирус на Мајкрософт.




Иако наликува на вистинската антивирусна програма, станува збор за вирус кој може да се препознае ако добро се внимава. Името на легитимниот антивирусен програм гласи „Microsoft Security Essentials“, а лажниот се разликува само во една буква, наместо „Security“, пишува „Secirity“.

Проблемот се состои во тоа што кога корисниците ќе го видат почетниот збор „Microsoft“ не обрнуваат внимание и веднаш започнуваат со вчитување на програмата незнаејќи дека е вирус.

Овој „Тројанец“ инсталира лажна компонента на антивирус, ги загрозува податоците на корисниците, а може да доведе и до уништување на одредени програми.

Сепак, од Мајкрософт тврдат дека овој вирус лесно се отстранува ако навреме се открие.