Робињо: Кога губи Реал, секогаш се критикуваат странските фудбалери

Поранешниот фудбалер на Реал Мадрид, Робињо вели кога на Кралскиот клуб не му оди добро, секогаш се критикуваат странските фудбалери.





Робињо застана во одбрана на Кака кој е мета на критики по разочарувачката елиминација на Реал Мадрид од Лигата на Шампионите.
"Кака е спектакуларен фудбалер, еден од најдобрите во светот. За жал, кога работите во Реал Мадрид не се добри, се критикуваат странските фудбалери" - смета Робињо.
"Тоа ми се случи мене и на сите странски фудбалери кои се таму".
"Но сигурен сум дека Кака ќе се врати на врвот и ќе има многу успех со Реал Мадрид".
"И се надевам дека заедно со мене тој ќе експлодира на Светското првенство во Јужна Африка доколку бидеме дел од репрезентацијата".
Бразилскиот фудбалер не ја крие желбата дека посакува долго да го носи дресот на Сантос, иако во моментов игра како позајмен играч од Манчестер Сити.
"Тоа беше вистински избор, сега сум добар и физички и ментално".
"Се надевам дека ќе продолжам така до крајот на мојот престој во Сантос".
"Мојата намера е да останам тука уште долго, се надевам дека бордот ќе го реши тоа".
"Можете да погледнете во моето лице и ќе ја забележите желбата да останам во клубот" - заврши Робињо.