Фабрегас: Сакам секогаш да сум на теренот

Фабрегас вели дека никогаш не би побарал од Арсен Венгер да биде одморен, вели дека постојано сака да е на теренот.




Поради повреда на тетивата под коленото, Фабрегас го пропушти натпреварот со Порто кој Топџиите го добија со високи 5-0.
Капитенот на Арсенал, вели дека секогаш сака да е на теренот, и никогаш не побарал да биде одморен.
"Никогаш не сум побарал да бидам одморен. Сакам да играм фудбал. Кога се чуствувате добро, секогаш сакате да играте" - вели Фабрегас.
"По повредата против Барнли сега сум нешто подобро. Се чуствувам подобро од ден на ден".
"Почуствував нешто на десет минути пред да постигнеме гол, но не сакав да го напуштам теренот додека не дадеме гол".
"По постигнувањето на погодокот подобро беше да го напуштам теренот".
"Секогаш ми се случува истата повреда, минатата поради истата работа го пропуштив натпреварот против Манчестер Јунајтед".
"Четири или пет пати се повредувам на истото место. Не знам што се случува но подобро е да одморам малку и да се вратам кога ќе бидам подготвен".
Многу посериозни повреди имаат колегите на Фабрегас, Арон Ремзи, Робин ван Перси, Гибс и Џуру.
"Повредите на Арон, Робин, Гибс и Џору не прават уште пообединети".
"Не сме го виделе Робин четири месеци, не знаеме ништо за него, но постојано ги гледаме Гибси и Џуру, и тие како нас би сакале да бидат на теренот, па тоа не прави пообединети".
"Се надеваме дека ќе направиме нешто за клубот, за фановите и за нив".

"Никогаш не сме зборувале за титулата, само одевме понатаму. Но сега повеќе од било кога е време да ''зборуваме'' на теренот затоа што имаме одлична шанса" - заврши Фабрегас.