Неста: Светското Првенство? Веќе реков дека нема да настапам

Александро Неста уште еднаш потврди дека нема да настапи на СП 2010, во меѓувреме дефанзивецот се соочува со операција на коленото и подолга пауза.






Играчот на Росоњерите денеска изврши прегледи во специјалистичка клиника во Рим откако се пожали на болки во коленото во пресрет на дуелот со Манчестер Јунајтед.

Прегледите покажале дека Неста ја има искинато тетивата и дефанзивецот сега треба да одличи дали ќе замине под нож или пак ќе прифати конзервативна терапија.

Зборувајќи со новинарите кои го пречекаа пред клиниката, Неста рече: “Имам скината тиетива. Ќе одлучиме наскоро дали ќе заминам на операција или ќе прифатам конзервативна терапија.”

“Најверојатно на два различни натпревари сум ја искинал тетивата и поради тие причини ќе паузирам и ќе одлучам дали да одам на операција или не.”

“Доколку заминам под нож најверојатно ќе се вратам кон крајот на сезоната.”

Запрашан дали ќе се предомисли околу враќањето во репрезентацијата на Италија и ќе патува за Јужна Африка, Неста рече: “Доста со оваа сторија.”

“Веќе кажав дека нема да одам на Светското Првенство.”