Мулти-таскинг на iPhone?

by **GBL** Пет Мар 12 2010, 20:59

Освен за недостатокот на Flash поддршка, корисниците на iPhone највеќе му замеруваат на Apple поради неможноста оваа мобилна платформа да се справи со повеќе задачи истовремено (мултитаскинг).

Мулти-таскинг на iPhone? Iphone-multitasking-s

Мулти-таскинг на iPhone? Iphone-multitasking-s

Но, надеж сеуште постои...

Според AppleInsider, извор кој ретко греши околу информации од овој тип, Apple за време на летниот период планира да ја издаде 4.0 верзијата на својот оперативен систем, со што и официјално би ја вовел поддршката за мултитаскинг на својот iPhone.

До сега работењето на повеќе апликации истовремено на овој телефон беше ограничено само во посебни случаи и со разни системски програми.

Со новиот ОС, Apple би требало да им понуди на своите корисници целосен мултитаскинг со целосно нов интерфејс кој би овозможувал префрлање помеѓу апликациите - нешто навидум слично како на Mac OS X.

Сепак, сеуште останува нејасно како Apple планира да ги реши евентуалните проблеми поврзани со безбедноста на телефонот, менаџирањето на ресурси и потрошувачката на батерија.

За користење на повеќе апликации сигурно ќе биде од потребен повеќе RAM и побрз процесор, кои пак се очекуваат да бидат вметнати во новите модели на iPhone кои компанијата обично ги претставува во јуни или јули.