Цигарите имаат и позитивна страна?

by **GBL** Пет Мар 12 2010, 20:58

Меѓу сите лоши страни на пушењето цигари, еве и една добра - значително го намалува ризикот од Паркинс. И тоа, колку подолг пушачки стаж имате, толку е помал ризикот од оваа болест. Барем така тврдат американските научници.

Цигарите имаат и позитивна страна? Smoking240

Цигарите имаат и позитивна страна? Smoking240

Др. Хонглеи Чен и неговиот истражувачки тим од американскиот национален институт за здравство, проучувале податоци за 305.468 мажи и жени на возраст помеѓу 50 и 70 години. Учесниците во ова истражување пополниле анкета за својата исхрана и животен стил на почетокот од студијата и десет години подоцна. За време на таа измината деценија, 1.662, или 0.5% од луѓето развиле Паркинсонова болест.

Луѓето кое пушеле цигари 40 или повеќе години имале за 46% помал ризик од развој на Паркинс, во споредба со луѓето кои никогаш не пушеле. Кај оние кои пушеле 30 до 39 години ризикот изнесувал 35%, додека кај оние кои пушеле помеѓу една и девет години имале само 8% намален ризик од добивање на оваа болест. Притоа, количината на испушени цигари немала улога врз ризикот.

„Со оглед на тоа дека во чадот од цигарите има околу 4.000 хемикалии, ќе биде потребна мултидисциплинарна студија за да се разбере зошто се резултатите такви“, вели др. Чен. „Но, независно од резултатие, пушењето е лошо за здравјето и никој не би смеел да го користи како превенција на Паркинсоновата болест“, нагласува тој.

Воедно, студијата покажала и дека штом Паркинсоновата болест еднаш се развие, пушењето цигари не го забавува нејзиниот тек, ниту може да помогне во лечењето.

Деталите на ова истражување беа објавени на 10. март 2010. во онлајн изданието на Neurology - медицинското списание на Американската академија за неврологија.