Солени реформи во Њујорк

by **GBL** Пет Мар 12 2010, 20:17

Грижата на челниците на Њујорк за своите граѓани доби сосема нова димензија, откако постои реална можност во иднина градот да ги казнува рестораните кои додаваат сол во храната.

Солени реформи во Њујорк Sol-455

Ако се прифати предлог законот на еден советник, со 1.000 долари ќе бидат казнувани рестораните кои додаваат сол на храната.

Феликс Ортиз, предлагачот на овој закон, смета дека вака ќе им се овозможи на гостите сами да одберат дали сакаат да јадат солена храна или не.

Администрацијата на градоначалникот Мајкл Блумберг веќе го забрани пушењето на речиси сите јавни места, ги забрани нездравите незаситени маснотии кои се создаваат при подготовката на храната и ги натера рестораните покрај секој оброк во менито да ја наведат и калориската вредност на истиот. Блумберг се залага и за воведување на нов данок на газираните пијалаци, за да се намали процентот на дебели Њујорчани.

Се проценува дека во градот има 1.5 милиони луѓе кои патат од зголемен крвен притисок, па градоначалникот сака да ги поттикне сограѓаните да конзумираат помалку сол, што би можело да го намали проблемот.

Но Блумберг не е радикален како Ортиз, па предлага доброволно намалување на количината на сол за четвртина во наредните пет години, пренесува Telegraph.

Ортиз пак смета дека со забраната за засолување на храната при подготовката би можело да се спасат 100.000 животи. Очигледно е дека човеков никогаш не си приготвил оброк сам...