Бан Ки Мун ја осуди одлуката на Израел за градба во источен Ерусалим

by **GBL** Сре Мар 10 2010, 17:33

Генералниот секретар на ОН, Бан Ки Мун ја осуди намерата на Израел да изгради 1.600 домови на окупираното подрачје на источниот дел од Ерусалим, истакнувајќи дека ова не е во согласност со меѓународното право.

Бан Ки Мун ја осуди одлуката на Израел за градба во источен Ерусалим Get

Бан Ки Мун ја осуди одлуката на Израел за градба во источен Ерусалим Get

„Генералниот секретар истакна дека населбите се незаконски според меѓународното право“ се наведува во официјалната изјава на портпаролот на ОН, Мартин Несиртки.

Тој додаде дека населувањето на окупираните подрачја на кои Палестинците сакаат да изградат своја држава е спротивно на обврските од мировниот план.

Новата населба, каде Израел сака да изгради 1.600 нови станови, се наоѓа на местото каде Палестинците сакаат да го изградат својот главен град, а оваа намера претходно ја осуди и американскиот потпретседател Џо Бајден, кој е во официјална посета на Блискиот исток.

„Таа одлука, нејзината содржина и времето на нејзиното објавување е мерка што ја поткопува довербата која сега е најпотребна и се коси со конструктивните разговори кои сум ги имал во Израел“ утврди Бајден.

Израелското министерство за внатрешни работи во вторник го одобри градењето на 1.600 нови станбени единици во Рамат Шлом, кварт во кој живеат Евреи во источниот дел на Ерусалим, кој е со мнозинско арапско население, а Израел го припои во 1967 година.

Меѓународната заедница не го признава припојувањето на источен Ерусалим со израелската територија.

Одлуката ги разгневи и Палестинците во пресрет на посетата на американскиот потпретседател Џо Бајден, кој допатува заради обнова на мировниот процес.