Скок на прометот на берзата за 77 проценти

by **GBL** Сре Мар 10 2010, 17:29

Прометот на македонската берза за хартии од вредност на денешното тргување изнесуваше 17.948.267,52 денари, што претставува зголемување од околу 77% во однос на прометот од претходниот ден.

Скок на прометот на берзата за 77 проценти Get

Скок на прометот на берзата за 77 проценти Get

МБИ10 повторно започна со серија на негативни промени, остварувајќи намалување од 0,39% при вредност од 2.830,41 индексни поени. МБИД забележа благо зголемување од 0,26%, а неговата вредност изнесуваше 3.168,01 индексни поени. ОМБ оствари дневен пад од 0,64% позиционирајќи се на 111,46 индексни поени.

Најтргувана од официјалниот пазар беше Алкалоид Скопје со промет од 2.008.110,00 денари. При просечна цена од 4.827,19 денари беше остварено скромно зголемување од 0,13%. Цената на оваа акција се движеше во рамките на 4.818,00 денари како минимум и 4.831,00 како максимум. Истргувани беа 416 акции кои се реализираа преку 18 трансакции.

На втора позиција според ликвидност од официјалниот пазар се пласираше Македонијатурист Скопје со промет од 1.770.510,00 денари. Просечната цена од 3.106,16 денари резултираше со скок од 2,51% на дневна основа. Минималната постигната цена изнесуваше 3.100,00 денари, а максималната 3.250,00 денари.Истргувани беа вкупно 570 акции кои се реализираа преку 6 трансакции.

Следуваше државната обврзница за денационализација од шестата емисија со промет од 1.643.822,30 денари. Просечната цена изнесуваше 87,00% што значеше пораст од 1,16%. Истргувани беа 30.653 обврзници кои се реализираа преку 3 трансакции.

Првите две најтргувани акции од редовниот пазар всушност беа најликвидни на целиот пазар. Убедливо најтргувана беше Прилепска Пиварница Прилеп со промет од 3.563.100,00 денари. Просечната цена изнесуваше 10.700,00 денари што предизвика пораст од 2,88%. Истргувани беа вкупно 333 акции кои се реализираа преку две трансакции, а преку една од нив беа реализирани дури 330 акции.

На втора позиција беше Македонски Телеком Скопје со промет од 3.563.100,00 денари. Просечната цена изнесуваше 509,33 денари, што предизвика пораст од 1,92% на дневна основа. Минималната цена изнесуваше 500,00 денари, а максималната 515,00 денари. Истргувани беа 5.305 акции кои се реализираа преку 27 трансакции.

Пет најтргувани хартии од вредност

1. Прилепска Пиварница Прилеп
2. Македонски Телеком Скопје
3. Алкалоид Скопје
4. Македонијатурист Скопје
5. Р.Македонија – Денационализација 06

Хартии од вредност со најголем раст

1. Тетекс Тетово 17,97%
2. Прилепска Пиварница Прилеп 2,88%
3. Македонијатурист Скопје 2,51%
4. Македонски Телеком Скопје 1,92%
5. Стопанска Банка Скопје – Приоритетни 1,57%

Хартии од вредност со најголем пад

1. Стопанска Банка Скопје 2,45%
2. Р.Македонија – Денационализација 08 2,30%
3. Бетон Скопје 2,25%
4. ЗК Пелагонија Битола 1,82%
5. Макпетрол Скопје 1,62%