Решение за ЈАТ до крајот на годината

by **GBL** Сре Мар 10 2010, 17:24

Прашањето за стратешко партнерство или за приватизација на српската национална авиокомпанија ЈАТ ервејз мора да биде решено до крајот на 2010 година.

Решение за ЈАТ до крајот на годината Get

Решение за ЈАТ до крајот на годината Get

Ова го изјави српскиот министер за инфраструктура Милутин Мркоњиќ, додавајќи дека има интересенти за ЈАТ, кој според него, со постојната флота може да издржи уште најмногу една година.

Тој соопшти дека претставници на „Туркиш Ерлајнз“ деновиве биле во Белград на преговори за ЈАТ, но, според министерот, се уште е рано да се објавуваат било какви проценки.

Мркоњиќ рече дека српски бизнисмени повеќе не се заинтересирани за купување на националната авиокомпанија.

До крајот на годината мораме да најдеме решение за ЈАТ, а она што е сигурно е дека треба да имаме наша национална авиокомпанија, изјави српскиот министер за инфраструктура Милутин Мркоњиќ.