Верност пропорционална на интелигенција

by **GBL** Вто Мар 02 2010, 16:52

За разлика од верните мажи, прељубниците имаат понизок коефициент на интелигенција, тврдат научниците. Според нив, ова се должи на фактот дека мажите со поголем коефициент на интелигенција, повеќе ја ценат моногамијата, отколку прељубата.

Верност пропорционална на интелигенција Prelj

Верност пропорционална на интелигенција Prelj

Според британските научници, колку мажот е поинтелигентен - толку се помали шансите дека ќе ја изневери својата партнерка. Истражувањето на доктор Сатоши Каназава, еволуциски психолог од London School of Economics and Political Science, оваа теорија ја поткрепува со еволуциски докази - дека низ историјата мажите биле благо полигамни, но тоа се променило со тек на времето, па според доктор Каназава денес влегувањето во сексуално ексклузивна врска за мажите претставува еволуциски новитет.

Според неговата теорија, интелигентните луѓе прифаќаат нова пракса за да станат понапредни, а ова е правило и кога е случај со верноста.

Меѓутоа, оваа теорија не се однесува на жените, затоа што од нив отсекогаш се очекувало да бидат верни на својот маж, дури и во полигамните општества.

Искрено, теоријата на почитуваниот доктор нас ни е малку шашава. Според нашата теорија, поинтелигентните мажи можеби подобро знаат да ја заташкаат прељубата па нивната неверност поретко се открива.