Шрек во ново продолжение

by **GBL** Вто Мар 02 2010, 16:49

Светот повторно ќе може да ужива во авантурите на добродушното зелено чудовиште и неговите пријатели. Премиерното прикажување на четвртиот филм за Шрек со наслов “Shrek Forever After“ ќе се случи на 21. Април, односно на отворањето на филмскиот фестивал Tribeca во Њујорк.

Шрек во ново продолжение Shrek455

За “Shrek Forever After“ покрај “традиционалните“ Камерон Диаз, Мајк Маерс, Еди Марфи, Антонио Бандерас и др., својот глас го позајми и сексипилната Меган Фокс. Специфично за ова четврто продолжение на приказната за зелениот џин е и тоа дека e изработено во 3Д технологија.

„Отсекогаш сме сакале на фестивалот да се прикажуваат малку поинакви филмови, со интересна фабула која гледачите ќе ги “допре во срце“. “Shrek Forever After“ е спој на одлично раскажана приказна и уметничко дело во иновативна 3Д технологија“, вели Џејн Росентал, ко-основач на фестивалот Tribeca каде премиерно ќе биде прикажан “Shrek Forever After“

Што се однесува до Tribeca, овој фестивал е основан во 2001. година од страна на глумецот Роберт Де Ниро, Џејн Росентал и Крег Хаткоф, со цел да се помогне во обновата на њујоршкиот кварт Трибека после нападот на 11. Септември. До денес на овој фестивал се прикажани околу 1.100 филмови од 80 земји.