Разиграното бебенце ја победи индустријата

by **GBL** Пон Мар 01 2010, 18:06

Корисниците имаат исклучително мал успех во борбата против правните машинерии на претставниците од музичката и филмската индустрија. Сепак, понекогаш се случува малите да победат, како во овој случај.

Разиграното бебенце ја победи индустријата Holden-455

Разиграното бебенце ја победи индустријата Holden-455

Сигурно се сеќавате на видео клипот кој на мрежата кружеше пред 2-3 години во кој едно слатко бебенце игра на „Let's go crazy“, песна на Принц. Сопственикот на споменатата песна Universal Music Group нареди отстранување на овој видео клип и YouTube постапи во склад со тоа.

UMG во своето барање наведе дека мајката на детето Стефани Ленц неовластено го користела споменатиот хит на Принц.

Ова го активира инатот кај Ленц која без намера да попушти се здружи со заговорниците на слобода на говорот EFF (Electronic Frountier Foundation) и поднесе тужба против UMG, тврдејќи дека музиката ја користела „со добра намера“, а не за да и наштети на музичката индустрија.

Судот донесе пресуда во корист на гневната мајка која сега од UMG бара надомест на судските трошоци како и одреден износ на оштета поради лажните обвиненија.

До наредното огласување на судот, погледнете и проценете сами какви „зли намери“ имале Стефани и нејзиното синче Холден: