Снег во Рим првпат после 24 години

by **GBL** Пет Фед 12 2010, 20:17

Италијанскиот главен град Рим за првпат после 24 години, денеска осамна под снежна покривка.

Снег во Рим првпат после 24 години Img34763992

Жителите на градот беа изненадени од снежните врнежи што предизвикаа радост кај туристите, но и проблеми во сообраќајот и доцнење на авионите.

Снегот кој почна да паѓа околу осум часот утринава, се засили околу пладне, а прекриени со снег остана легендарните Колосеум, Фонтана ди Треви и други споменици и туристички атракции.

Авионските летови од аеродромот Фјлумичино беа одложени поради слабата видливост, јави агенцијата Анса.

Во попладневните часови интензитетот на врнежите започна да се намалува, но градските власти стравуваат дека снегот може да замрзне и да се претвори во мраз, доколку и натаму се задржат ниските температури.

Снежните врнежи во Рим се ретка појава. Последен пат снег е забележан во 2005 и 2004 година, но ова е првата снежна покривка што се формира во италијанската престолнина после онаа од 1986 година.