Докторите му го вратиле видот по 53 години слепило

Чешките доктори со една хируршка интервенција успеале да му го вратат видот на седумдесет годишниот Карел Павели од градот Теплич, откако 53 години бил слеп.

Докторите му го вратиле видот по 53 години слепило Img78123690

Докторите му го вратиле видот по 53 години слепило Img78123690

Докторите сметаат дека ова е вистинско медицинско чудо и најверојатно постигнале нов светски рекорд, со оглед на должината на времето кое пациентот го поминал во темнина пред да успеат да му го вратат видот.

Павели ослепел на 17 години, кога настанала експлозија во фабриката во која работел. Во меѓувреме се оженил, му се родиле деца, и внуци кои дури сега ќе може да ги види.

„Воопшто не се надевав дека некогаш ќе прогледам. Кога ми се роди првиот син бев неизмерно среќен. Можете ли воопшто да замислите како се чувствував кога сопругата ми го даде во рацете, а не можев да си го видам сопственото дете,“ рече Павели за медиумите.

По Хан Харватове, кој докторите го оперираа во ноември 2008, Павели е вториот човек во Чешка кој доби вештачки рожници што ги развија научниците од Бостон.

Оваа интервенција, за сега, може да ја реализира само очната клиника „Gemini“, но ова уникатно лечење пациентите мораат да го платат сами. Операцијата на двете очи чини 200.000 чешки круни, односно околу 7.700 евра, објави интернет страницата "Sedmička".

Докторите му го вратиле видот по 53 години слепило

Докторите му го вратиле видот по 53 години слепило

Докторите му го вратиле видот по 53 години слепило :: Comments