На Јапонците „им тргна“

by **GBL** Сре Фед 10 2010, 14:43

После Toyota и вториот јапонски авто-гигант Honda најави повлекување на 440.000 автомобили од САД, Јапонија, Мексико, Тајван и Австралија, поради проблеми со воздушното перниче, пренесува БиБиСи.

На Јапонците „им тргна“ Honda-455

Тoyota автомобилите ги повлече поради проблеми со педалата за гас и кочниците, а Honda поради проблемите со отворање на воздушното перниче од страната на возачот.

„Не можеме да бидеме потполно сигурни дека воздушното перниче кај возачот во возилата кои ги повлекуваме ќе се однесува според предвиденото“, изјавија од Honda.

Планирано е повлекување на моделите Accord, Civic, Odyssey, Pilot, Cl и CR-V од 2001. и 2002. година, како и Acura TL од 2002. Сопствениците на овие возила би требало да ги посетат авторизираните сервиси на Honda веднаш откако ќе добијат повик.