Дами и господа, ова е Google Bu

by **GBL** Сре Фед 10 2010, 14:42

После незабележително кратките шпекулации, Google сепак го претстави својот конечен, глобален влез во социјалните мрежи. Google Buzz сервисот на Gmail му дава нови, „социјални“ можности.

Сервисот автоматски ќе им стане достапен на сите речиси 180 милиони корисници, колку според некои статистики ги има Gmail, но услугата постепено се уклучува кај сите.

Сосема очекувано на овој новитет од Google реагираа најголемите конкуренти Yahoo и Microsoft. Во таборот на Yahoo се изненадени од потегот на Google, поточно од изборот на името бидејќи компанијата има своја верзија на Buzz веќе две години, но со друга намена.

Microsoft пак реагираше со соопштение дека „на корисниците не им треба уште една во низата социјални мрежи бидејќи се едноставно затрупани, а Windows Live е услуга која постоечкото го обединува на едно место“.

Ова не е првиот обид на Google на ова поле. Orkut е негова друштвена мрежа која е исклучително популарна во Бразил и Индија, а интензивно секој месец ја користат околу 100 милиони корисници.