Иран започна да го збогатува ураниумот на 20 отсто

by **GBL** Вто Фед 09 2010, 17:12

Иран во вторник го почна процесот на збогатување на ураниум на 20 отсто во фабричкиот комплекс во Натанза под контрола на инспектор на Меѓународната агенција за атомска енергија.

Иран започна да го збогатува ураниумот на 20 отсто Get

Иран започна да го збогатува ураниумот на 20 отсто Get

„Процесот почна во истражувачкиот центар во Натанза, на 164 центрифуги кои се подготвени за збогатување на ураниум до 20 отсто“ рече шефот на иранската Агенција за атомска енергија, Али Акбар Салехиј.
Придвижувањето на процесот за збогатување на ураниум на 20 отсто во недела прво го најави претседателот на државата Махмуд Ахмадинеџад, а Иран за тоа во понеделник ја информираше МААЕ.
Исламската Република тврди дека 20 отстотниот ураниум и е многу потребен за нејзиниот истражувачки реактор во Техеран, кој произведува изотопи неопходни во лекувањето на некои смртоносни тумори.
Иран во ноември го одби предлогот на МААЕ и шесторката САД, Русија, Кина, Франција, Велика Британија и Германија за испраќање на 70 отсто од својот нискозбогатен ураниум (3,5 отсто) во Русија, каде би бил збогатен на ниво од 19,75 отсто, па потоа би бил испратен во Франција каде би бил претворен во 20-отстотно збогатено гориво.
Реакциите во светот на вчерашната најава на Техеран дека сам ќе произведува 20 – отстотен ураниум покажаа единство во барањето за силни санкции против режимот во Техеран, вклучувајќи ја и Русија.
За производство на нуклеарно оружје потребно е ураниумот да се збогати на 80 отсто.