Боинг го тестираше најголемиот товарен авион од својата флота

by **GBL** Вто Фед 09 2010, 16:54

Најголемиот товарен авион на компанијата Боинг, моделот 747-8 во понеделник изведе промотивен лет, полетувајќи од аеродромот Paine Field во американската сојузна држава Вашингтон.

Боинг го тестираше најголемиот товарен авион од својата флота Get

Боинг го тестираше најголемиот товарен авион од својата флота Get

Околу 5.000 луѓе вработени во компанијата, заинтересирани купувачи и други гости го следеа летот на "Боингот" на кој беше тестиран квалитетот на управување и перформансите на моторот.
"Товарниот монструм", како што го нарекуваат овој модел е долг 76,3 метри и е за 5,4 метри подолг од моделот 747-400 кој во моментов е во комерцијална употреба.
Според компанијата, поголемата должина ќе донесе и поголема заработувачка при транспортот.
Авионот чини околу 300 милиони долари, а е изграден уште во 2005 година.
Иако првично беше најавено дека ќе биде пуштен во употреба во 2009 година, поради набавката на делови и промената на дизајнот неговата промоција се случува токму сега,соопштија од Боинг.
Компанијата најавува и комерцијална верзија на моделот 747-8 кој ќе биде конкуренција на во моментов најголемиот патнички авион во светот на европската компанија Ер Бас, моделот А380.