Игуаин - секој трет шут гол

Аргентинскиот напаѓач во редовите на Реал Мадрид, Гонзало Игуаин е најпрецизниот голгетер во Примера, објавува Марка.





Популарниот “Ел Пипита” има 12 гола и заостанува во
битката за трофејот за најдобар стрелец “Пичичи” зад Лионел
Меси (16 гола) и Давид Виља 15 гола. Но Игуаин е најефективниот
фудбалер бидејќи секој трети негов шут е гол. Дваесетката на кралскиот
клуб шутирал кон голот 35 пати од почетокот на сезоната во Ла Лига и
има процент на успешност од 34.

Меси има 73 шута или 22 проценти успешност, а Виља 85 удари кон гол од кои 18 проценти се погодоци.

Кристијано
Роналдо има 12 проценти успешност од 78 шутеви. Дваесет и двегодишниот
Игуаин има и најдобар коефициент на голови според одиграни минути.
Постигнува голови на секои 83 минути.

Лео Меси пак се запишува во листата на стрелци на секои 92 минути, а Виља на 123.минути.