Интер повторно победува, Пандев повторно стрела

Шампионот го надигра гостинот во секој поглед и логично на тоа стигна
до трите поебни кои го носат уште понапред во борбата за титулата.
Прецизни за тимот од Милано беа Пандев, Самуел и Милито.

Гостите
пак од своја страна го забележаа првиот пораз од почетокот на Јануари
кога беа надиграни од Палермо по што во наредните 6 натпревари не знаеа
за пораз.

Уште во 6. минута Горан Пандев ја вжешти атмосферата
на Џузепе Меаца откривајќи го резултатот после недобрата интервенција
на гостинските дефанзивци. Занети се проби од десно, го проигра Ето чии
удар беше блокиран но топката дојде до нашиот репрезентативец за кој
што не беше никаков проблем да го донесе својот нов тим во водство од
1-0.

Ова беше третиот погодок за Пандев во сино-црниот дрес на тимот од Милано со што уште повеќе ја добива довербата од Жозе Мурињо.

Само
пет минути подоцна Валтер Самуел го зголеми водството на 2-0 откако тој
беше највисок во казнетиот простор на гостите по изведениот корнер.

На
денешниот натпревар Мурињо за прв пат го проба триото Ето - Милито -
Пандев и можеме да кажеме дека овој убиствен напат делуваше фантастично
а тоа се покажа при третиот погодок.

Имено на почетокот од
второто полувреме Самуел Ето фантастично го проигра Пандев кој што уште
подобро го уфрли Милито на десетина метри од гостинскиот гол а овој
рутирнирано го зголеми водството на 3-0.

Главниот конкурент за
титулата на Интер, тимот на Милан сеуште не може да дојде до победа, па
исто како и минатата недела така и сега росоњерите успеаа само да
освојат 1 поен на гостувањето кај Болоња завршувајќи го натпреварот со
резултат 0-0.

Во останатите денешни натпревари се сретнаа:

Аталанта - БАри 1:0
Џенова - Киево 1:0
Лацио - Катанија 0:1
Сиена - Сампдорија 1:2
Удинезе - Наполи 3:1