Топилницата под будното око на инспекторатот за животна средина

by **GBL** Пон Фед 08 2010, 16:46

Инспекторатот за животна средина будно ја следи состојбата во велешката Топилница, и државните инспектори во текот на 2009 година постапиле по 1.600 предмети, јави за Макфакс дописникот од Велес.

Топилницата под будното око на инспекторатот за животна средина Get

Топилницата под будното око на инспекторатот за животна средина Get

"Будно ја следиме состојбата во топилницата. Доколку дојде до транспорт на било какви материи или на згурата кај Топилницата, државниот инспекторат за животна средина мора да биде известен од сопствениците на комбинатот", изјави Фирус Мемед, директор на инспекторатот.
„Кога една фирма е во мирување повеќе од три години, согласно со законот мора за истата одново да се води целата постапка при вадење на дозвола за работа. Затоа и сметаме дека Топилницата во Велес е терен кој засега е добро контролиран„ додаде Мемед.
Според него, бројот на постапки е зголемен за 20 проценти за разлика од претходната година и тоа е доказ дека се успешни и им излегуваат во пресрет на барањата на многу граѓани ,институции и невладини организации.
„Во наредниов период треба институционално да зајакнеме како и технички да се доопремиме. Нашата работа е многу обемна и затоа треба да се создадат услови за нејзино извршување“ вели Филип Иванов, директор на Управата за животна средина.
Согласно законските прописи секоја Општина треба да има назначено инспектор за животна средина. Локалната самоуправа во Велес е меѓу првите во државата која оваа законска обврска ја има исполнето.