Бугарија и Романија зафатени од силно снежно невреме

by **GBL** Пон Фед 08 2010, 16:41

Снежно невреме проследено со силен ветер денеска ги зафати Бугарија и Романија и предизвика затворање на училиштата и прекин на електрична енергија.

Бугарија и Романија зафатени од силно снежно невреме Get

Бугарија и Романија зафатени од силно снежно невреме Get

Романија осамна под дебела снежна покривка, а со снег е затрупан и главниот град Букурешт што предизвика хаос во сообраќајот.
Училиштата во 12 општини во јужна Романија останаа затворени како резултат на владината одлука за прекин на наставата. Блокирани и под снег останаа и две пристаништа на Црно Море во југоисточниот дел од земјата.
Снежни врнежи ја зафатија и Бугарија при што блокирани останаа неколку патишта вклучувајќи го и аеродромот во Софија , соопшти бугарската служба за цивилна заштита.
На места снежната покривка во Бугарија достигна до 60 сантиметри, а затворени останаа и над 40 училишта. Според метеоролозите продор на потопла воздушна маса се очекува веќе од вторник.