Македонија во 2009 година оствари дефицит од 2,35 милијарди долари

by **GBL** Пон Фед 08 2010, 16:19

Вкупен дефицит од 2,35 милијарди долари оставила Република Македонија во надворешнотрговската размена во 2009 година, објави во понеделникот Државниот завод за статистика.

Македонија во 2009 година оствари дефицит од 2,35 милијарди долари Get

Македонија во 2009 година оствари дефицит од 2,35 милијарди долари Get

Дефицитот во споредба со 2008 година е намален за над 500 милиони долари, но драстично е намален и обемот на стоковата размена.
Вкупниот обем на стоковата размена на Македонија со светот во периодот јануари-декември 2009 година изнесувал 7,73, што е за 28,6 отсто помалку во однос на истиот период од 2008 година.
Според Државниот завод за статистика, вкупната вредност на извозот на стоки од Македонија во 2009 година изнесува 2,69 милијарди долари, а на увозот 5,04 милијарди долари.
Покриеноста на увозот со извозот изнесува 53,4 отсто, додека во 2008 година покриеноста на извозот со увоз изнесувала 58,1 отсто.
Македонија лани најмногу извезувала во земјите- членки на ЕУ 27 (56.2%) и земјите од Западен Балкан (37.2%), а во увозот на стоки најголемо учество имаат земјите од ЕУ 27 (52.2%) и земјите во развој (26.7%).
Според вкупниот обем на надворешно-трговската размена, Република Македонија најмногу тргува со Германија, Србија, Грција, Италија и Русија (45.6% од вкупната надворешно-трговска размена се врши со овие пет земји).