Ван Бујтен стави потпис на нов договор со Баерн

Дефанзивецот на Баерн Минхен, Даниел ван Бујтен ја продолжи верноста со
клубот за уште две сезони и ќе остане на Алианц Арената до 2012






Екипата на Баерн потврди дека успешно се завршени преговорите со
интернационалецот на Белгија, Даниел ван Бујтен за продолжување на
соработката.

Дефанзивецот, кој игра во извонредна форма оваа сезона, претходно имаше договор кој истекуваше до крајот на сезоната.

Но сега играчот ќе остане на Алианц Арената уште две додатни години
стави потпис на договор кој го обврзува на верност со клубот до 2012
година.

“Имаме одличен тим и многу добар и паметен тренер. Среќен сум
во Баерн Минхен и апсолтно сум задоволен од новиот договор.”
– рече Ван Бујтен за официјалната веб страна на клубот.

Ван Бујтен е третиот играч кој денеска го обнови договорот, откако утрово својата верност ја продолжија Милер и Бадштубер.