Стипендија на невиноста

by **GBL** Сре Фед 03 2010, 16:39

Новозеландската 19-годишна студентка која на веќе виден начин си испланира заработка од продажбата на правото за „прва посета“ на нејзиниот химен објави дека за оваа привилегија прифатила понуда од 32.000 долари.

Стипендија на невиноста Nz-455

Студентката која понудата ја постави на страницата idee.co.nz, изјавувајќи дека парите и требаат за школарина, прими повеќе од 1.200 понуди од напалени потенцијални дефлоратори.

„Се согласив на понудата која далеку ги надмина моите очекувања“, изјави младата девојка за оваа страница и им заблагодари на сите кои учествуваа на јавното наддавање (односно нудеа пари за да спијат со неа, нешто што во повеќето културни земји се нарекува проституција).

Претставувајќи се под псевдонимот „unigirl“, младата жена се опиша како атрактивна, со добро здравје и без претходни сексуални искуства.

Нејзиниот оглас предизвика бројни реакции на Нов Зеланд, земја чии законски прописи во подрачјето на проституцијата се меѓу најлибералните во светот.

Сопственикот на интернет страницата Рос МекКензи потврди дека уплатата е извршена, според пишувањето на весникот Ваикато Тајмс. „Со оглед на тоа дека во понудата нема ништо противзаконско и навредливо, одлучивме да постапиме како и со сите наши огласи“, изјави сопственикот.

Очекувано се огласија и од новозеландската заедница на родители изразувајќи „стравувачка тага“ за начинот на кој девојката одлучила да го финансира своето школување, како и од синдикатот на проститутки кои ја повикаа малата да ги исконтактира поради „практични информации“ за реалноста на сексуалното работење.

И најинтересно би било доколку истава девојка еден ден, за 10 години на пример, ја сретнеме во весници како тужител во случај против својот надреден, обвинувајќи го за сексуална злоупотреба на работното место...