Фил си го кажа своето

by **GBL** Сре Фед 03 2010, 16:38

Секој 2. февруари во Пенсилванија се одбележува денот на мрмотот (Groundhog Day), кога на свечена церемонија локалните власти го прашуваат најпознатиот влакнест метеоролог мрмотот Панксатоуни Фил колку ќе трае зимата. Според неговото скромно мрмотско мислење, оваа година не чека смрзнување од уште шест недели.

Американците во Пенсилванија го одбележаа денот на мрмотот, како и секоја година, во голем број и со многу свечености чија централна личност е мрмотот Фил (пред неколку денови пишувавме за акцијата на ПЕТА која сака да вмеша прсти и да ја „корегира“ оваа манифестација по нејзина мерка).

Според традицијата, ако Фил ја здогледа својата сенка откако ќе се разбуди од спиење, може да се очекува пролетно време дури на половината од март.

Еве, како изгледаше фамозниот ден вчера во Пенсилванија:

Останува да одберете дали ќе се потпрете на мислењето на мрмотчево и нема на првите сончеви најави да ги спакувате зимските алишта во плакар, или ќе се водите по тоа како ве „врти коленото“. Бил Маерс пак може да се надева дека денот ќе му заврши што побргу и нема да мора секое утро да ги слуша Сони и Шер... Smile