IE6 симнат од тронот

by **GBL** Сре Фед 03 2010, 16:28

Според месечната статистика на компанијата Net Applications, минатиот месец (јануари) Internet Explorer 8 конечно го исфрли IE6 од водечката позиција на листата на најчесто користени интернет прелистувачи.

IE6 симнат од тронот Ripie6-300px

Во моментов прелистувачите на Microsoft држат вкупно 62,2% од пазарот, што претставува пад во однос на бројката од 62,7% во декември.

И Mozilla, која се наоѓа на второто место на пазарот бележи пад од 24,6% од "колачето" во декември на 24,4% во јануари. Во исто време, Google Chrome бележи раст од 4,6 на 5,2%, додека Safari успеа да го задржи речиси истиот удел од 4,5%.

Оваа вест за падот на популарноста на IE6 со сигурност предизвикува насмевка и радост кај развивачите на софтвер и интернет апликации, но и кај IT експертите за сигурност кои веќе долго време предупредуваат за пропустите и мааните на овој долговечен интернет прелистувач.

IE6 симнат од тронот Ie6-udel455