„Животна искра“ го одбележа светскиот ден на борба против ракот

by **GBL** Сре Фед 03 2010, 16:24

Македонското анти - канцер здружение „Животна искра“ во простории на нова локација (во зградата на поранешната дирекција на „Жито Лукс“) го одбележа светскиот ден на борба против ракот 4 февруари.

„Животна искра“ го одбележа светскиот ден на борба против ракот Get

„Животна искра“ го одбележа светскиот ден на борба против ракот Get

„Ние сме формирани заедно со експерти од оваа област, кои цело време ги поддржуваа нашите проекти, од градењето на свеста, рана дијагноза, превенција до современ третман и лекување за рано дијагностицирање на ракот“ изјави потпретседателот на „Животна искра“ Теута Крашница - Чучкова на денешна свеченост по повод откривањето на новите простории.

Анти канцер здружението „Животна искра“ постои веќе 17 години, а на денешната свеченост присуствуваа истакнати личности од македонскиот јавен живот како и Министерот за здравство Бујар Османи и директорот на гинеколошката клиника Сашо Јовчевски .

Според Светската здравствена организација, годишно ракот на белите дробови, желудник и дебелото црево одземаат околу 4 милиони животи ширум светот, а според прогнозите на СЗО во 2030 година дури 12 милиони лица ќе бидат жртви а оваа болест.