Експертите против верско-етничкиот попис во Албанија

by **GBL** Сре Фед 03 2010, 16:09

Верско-етничкиот попис во Албанија во овој момент е неприфатлив.

Експертите против верско-етничкиот попис во Албанија Get

Ова е оценето на синоќешната Конференција што се одржа во Тирана, а на која учествуваа познати политичари, историчари и експерти.

Поранешниот претседател на Албанија Реџеп Мејдани, историчарот Полумб Ѕуфи и експертот Милва Икономи оценија дека најавениот попис што ги опфаќа и прашањата за етничката и верската припадност на населението е противуставен и отвара можности за манипулации.

Експертите оценија дека уставот на земјата гарантира право на граѓанинот да не се изјаснува за наведените прашања. Според нив, ваквото изјаснување може да доведе до искривена слика за етничката и верската припадност.

Премиерот Сали Бериша деновиве изјави дека Албанија е подготвена да спроведе еден целосен попис на кој граѓаните ќе имаат право да се изјаснат за етничката и верската припадност.

Владата веќе формираше комисија за подготовка на пописот што ја предводи државниот министер Генц Поло. Поло синоќа изјави дека на земјата и е потребен целосен попис.