Романија ќе има еднодомен Парламент од 2012

by **GBL** Сре Фед 03 2010, 16:07

Романија ќе има еднодомен Парламент од 2012 година, по истекувањето на мандатот на актуелниот законодавен орган, но чекори во таа насока треба да бидат преземени уште отсега, изјави романскиот премиер Емил Бок.

Романија ќе има еднодомен Парламент од 2012 Get

Романија ќе има еднодомен Парламент од 2012 Get

„Уставот јасно кажува дека таков закон може да се примени од следните избори. Кога ќе бидат одржани изборите за следниот Парламент во 2012 година ќе имаме еднодомен Парламент и веќе нема да имаме 471 Парламентарец, туку само 300“, изјави премиерот.

Во вчерашното обраќање пред Сенатот, Бок истакна дека одложувањето на реформите, изгласани на референдумот, одржан на предлог на претседателот Трајан Басеску, паралелно со првиот круг на изборите за претседател на 22 ноември, ќе доведе до тотална загуба на довербата во Парламентот.